GEORGE
WALANG nais na magsalita sa aming dalawa. Tahimik kaming nakasakay sa kanyang sasakyan habang binabaybay ang kahabaan ng EDSA. Sabi niya ay maghahanap kami ng panibagong restaurant upang doon kumain ngunit tila nawalan na ako ng gana matapos ang nangyari.
"Let's go home," turan ko dahilan upang bigla itong mapalingon sa aking gawi.
"May alam akong masarap na kainan dito, malapit lang," pilit niyang pag-iiba sa aming paksa ngunit talagang nawalan na ako ng ganang kumain sa labas.
"Gusto ko ng umuwi," malamig ang tinig kong giit sa kanya.
Narinig ko ang pagbuga niya ng isang malalim na buntong-hininga saka mabilis na kinabig ang manibela sa pinakamalapit na U-turn slot.
"Gusto mong mag drive-thru?" tanong niya.
"No, I'm good. Gusto ko lang umuwi," tugon ko.
Nang huminto ang a
