GEORGE
MABILIS na lumipas ang isang buwan. Hindi ko namalayang ganoon na rin pala katagal simula nang huli kaming magkita ni Grant. Ginawa niya ang nais ko at iyon ay ang lubayan na niya ako. Ngunit sa bawat araw na lumilipas ang puso ko ay mas lalo lamang nalulumbay at nananabik sa kanyang pagbabalik. Ako ang may gustong lumayo siya ngunit hindi ko maintindihan kung bakit ako nasasaktan ngayong ginawa na niya ang gusto ko.
Hindi ko na rin mabilang kung ilang gabi akong nakakatulog habang umiiyak. Maghapon lamang akong nagkukulong sa aking kwarto. Panaka-naka akong sumusulyap sa dingding ng aking kwarto kung saan ko siya unang narinig noon. Katulad na lamang ngayong gabi. Nakatulala na naman ako sa dingding tila ba nagdarasal ako na sana naroon na lamang siya katulad ng dati. Iyong tipon
