GEORGE
KANINA pa ako hindi mapakali sa aking kinauupuan. Pilit akong binabagabag ng tanong na hindi nagawang sagutin ni Grant kanina. Nasa isang mahabang lamesa kami at narito sa loob ng isang tila ba conference room. Masyado raw kasi kaming marami kaya minabuti na lamang nilang kumuha ng private room dito sa restaurant. Ang private room na ito ay madalas na ginagamit upang pag ganapan ng mga meeting ng kanilang mga customer. Pero ang hindi ko alam ay maaari pala nilang i-convert ang monitor bilang videoke set-up. Halos tuwang-tuwa ang lahat dahil doon. Ngunit bago magkantahan ay kumain muna sila nang hapunan.
Pinili kong umupo sa pwesto kung saan pinakamalayo kay Grant. Naroon ako sa pinakadulo ng lamesa habang siya naman ay nasa gitnang dulo noon. I don't want to assume anything. Hindi
