GEORGE
"Anong katangahan 'yon, George?" inis na turan ko sa aking sarili nang makalabas ako sa pinto ng kanyang unit. "Ikaw pa talaga ang nag-initiate? Wala ka na talagang kahihiyan!" patuloy kong pagalit sa aking sarili habang marahang inuuntog ang aking ulo sa aking pinto.
Makailang ulit akong humugot ng isang malalim na hininga bago kinapa ang susi sa aking bulsa. Napamulagat ako nang wala akong bulsang makapa. Agad akong napatingin sa aking suot saka malakas na natampal ang aking noo nang mapagtanto kong wala akong suot maliban sa aking panty at sa oversized shirt na ipinahiram ni Grant.
"Ano pang katangahan ang gagawin mo, George?" turan kong muli sa aking sarili. Pamaktol akong umikot upang bumalik sa unit ni Grant.
Nahigit ko ang aking hininga nang sa aking pag-ikot ay bumulaga
