Heather?? Anong ginagawa niya dito sa Cebu???
Hindi ko alam pero biglang bumundol ang kaba sa dibdib ko. Tanaw-tanaw ko pa siya habang paalis siya sa counter. Para namang may nag-uutos sa akin na sundan ko siya kaya dali-dali kong ibinaba ang basket na hawak ko at saka naglakad papunta sa direksiyon ni Heather.
Nakita ko sa gilid ng kalsada si Heather. Mukhang nag-aabang ng masasakyan. Lalong tumatagal ay lalo akong napapa-isip kung anong ginagawa ni Heather dito sa Cebu. Sakto pa sa petsang malapit sa araw ng kasal namin ni Klarence.
Muling nabuhay ang galit ko kay Klarence nang maisip ko ‘yun. Pero mas nananaig sa akin ang malaman ang dahilan kung bakit nandito si Heather.
Inabandona ba ako ni Klarence sa kasal namin nang d
