LUMIPAS pa ang ilang araw. Pagpasok ni Sandra sa opisina nang araw na iyon ay ibinalita kaagad sa kanya ni Laiza na nagtungo sa Amerika si Glenard. Sinamahan daw nito ang ama sa pagpapagamot doon. Pero ang sabi naman ng ibang kaopisina niya ay bibisitahin daw ni Glenard ang dating kasintahan nito na si Pauline Clarkson. At posible raw na susuyuin ulit ito ni Glenard para magkabalikan ang mga ito.
Magdamag na iniyakan niya ang balitang iyon. At paggising niya kinabukasan, inamin na niya sa sariling mahal pa rin niya hanggang ngayon si Glenard. At kagagahan mang masasabi dahil sa kabila ng ginawa nito sa kanya noon, na-realize niyang hindi naman talaga siya tumigil ng pagmamahal sa binata. Itinago lang niya iyon sa pinakakubling bahagi ng kanyang puso. Nalulungkot lang siya dahil naturinga
