LIEGH
Gabi na ng magpasya kaming umuwi ni Declan. Tanging ang flashlight ng cellphone niya ang tanglaw sa daan pauwi pero wala akong kahit katiting na takot na nararamdaman habang hawak kamay na naglalakad pabalik sa bahay kasama ko siya.
Inabutan naming maingay na nagkukwentuhan ang mga magulang at kapatid ko gaya ng malimit naming gawin bago matulog at natigil lamang ng makita kaming pumasok ng asawa ko.
"Saan ba kayo galing at ginabi na kayo?" tanong ni papa na siyang nag-bukas sa amin ng pintuan.
"Sa tabing dagat po, namasyal po kami," sabi ko at ako na ang sumagot sa tanong ni papa.
Pinanood ko kung paano masayang nagkagulo ang mga kapatid ko ng sabihin ni Declan na bukas ay bibili kami ng TV at ibang gamit dito sa bahay. Pinagmamasdan ko kung paano sila seryosong nag-usap ni pa
