LIEGH
"Mas mabuting h'wag mo na munang isipin ang tungkol d'yan, babe. Masamang panaginip lang ang lahat at hindi na dapat pag-ukulan ng pansin dahil iba ang realidad. Kahit minsan ay hindi kita tinutukan ng baril, 'yan ang masasabi kong totoo at dapat mong paniwalaan," paliwanag ni Declan habang hawak ng mahigpit ang dalawang kamay ko.
"Matulog ka na, hindi maganda sa 'yo ang nagpupuyat. Bukas pag-gising mo, makakalimutan mo na ang tungkol d'yan," sabi pa nito kaya tumango ako.
Tama si Declan, hindi ko dapat pairalin ang takot at agam-agam sa puso ko sa tuwing nakakaranas ako ng ganito. Hindi ko alam kung normal ba ang ganitong panaginip dahil sa totoo lang, may mga pagkakataon na parang ayaw kong pumikit dahil sa mga samu't-saring mga eksena na bigla nalang pumasok sa isipan ko kaya
