Third Person's POV
"Paanong hindi niyo siya nakuha?" tanong ng isang lalaking may pilat sa mukha.
Hindi nakaimik ang dalawang may hawak sa dalaga kanina na kung hindi pa naagaw ni Magnus ay tiyak na nilang madadala.
"Sagot!" Umugong ang sigaw nito sa buong lugar. Kasabay no'n ay ang pagpasok ni Kutaro Inagawa, ang pinuno ng Inagawa-kai. Agad na napatingin ang dalawa nang pumasok ang pinuno na agad naman na sumenyas 'huwag maingay' habang nakatayo ito 'di kalayuan, sa likuran ng lalaking may pilat na kilala sa tawag nilang Paco.
Nanginginig ang mga kamay ng nakaluhod na mga lalaki sa harap ng nagngangalit na si Paco, ang kanang kamay ni Kutaro at ang namumukod tanging kinikilalang pinuno ng mga tauhan ng Inagawa maliban kay Kutaro.
Humithit ng isang beses si Paco saka inilapag ang nang
