"Enough, Mama. Nangyari na po ang lahat. Nasa emergency pa rin si Papa. Kaya't tama na po iyan. Look around, everyone is already gathering." Mahina man pero hindi na napigilan ni Mayure Kaye ang sariling awatin ang inang sinalubong ng sermon at kurot ang dalawa niyang Kuya.
Kaso sa ginawa niyang iyon ay siya naman ang binalingan ng ina. Kung ano ang ginawa sa mga bagong dating ay ganoon din sa kaniya. Kinurot siya ng pinong-pino sa tagiliran.
"Kapag ako ang nanenermon kahit sino sa inyong magkakapatid ay huwag n'yo akong pigilan. Dahil ako ang masusunod pagdating sa disiplina. Kaya't ikaw na babae ka ay manahimik ka kung ayaw mong dagdagan ko pa ang kurot na iyan! Nauunawaan mo ba?!" Mahina man ang pagkasabi ngunit kulang na lamang ay maihiwalay ang balat sa katawan dahil sa diin nang pa
