Matamang nakamasid si Isabel sa kalawakan ng dagat mula sa terrace na kinauupuan niya. Naglalakbay ang kanyang isipan sa kung ano ba ang dapat niyang gawin.
Panay ang kanyang pagbuntunghininga dahil sa samo't-saring kaisipang gumugulo sa kanya.
Hindi nasunod ang nais ng mama ni Ellion na bumalik na sila sa Manila kaya naman nananatili pa rin silang dalawa sa resort. Hindi na rin sila tumuloy na magtungo sa ibang bansa dahil ang nais nito ay mapangalagaan siya ng husto at ang baby.
Makakabuti daw sa kanya na manatili lamang sila sa tabing dagat dahil unang-una, sariwa ang hangin at sariwa din ang mga pagkain. Iyon daw ang kailangan niya para maging malusog ang kanilang baby.
Noong una hindi pa siya makapaniwala dahil akalain ba niya na mahigit dalawang buwan na pala siyang buntis a
