Si Ellion naman ay naglalakad patungo sa kinaroroonan ng anak. Nais sana niya na manatili pa sa silid ng kanyang asawa kahit na tinatanaw lamang niya ito mula sa labas. Masaya na kasi siya na masdan ito kahit pa hindi na niya ito malapitan.
Noong mga unang araw nagagawa pa niyang malapitan ito at kahit na pinagtatabuyan siya nito ay nananatili pa rin siya sa loob at pilit na inaasikaso ito.
Kaya lang nakita na niya si Enrique na papalapit na kasama ang doktor ng kanyang asawa kaya minabuti niya umalis na lamang doon.
Kaya naman habang naglalakad ay para bang pinipiga ng husto ang kanyang puso. Hindi niya matanggap ang kinahinatnan ng lahat. Nasasaktan kasi siya sa sitwasyon niya ngayon na siya iyong asawa, pero siya pa iyong walang karapatan na lumapit dito.
Para alagaan ito, kum
