Pagdating nila sa kaniyang hospital room, wala pa rin doon si Enrique, baka nasa bahay pa ng lola nito. Mas mainam iyon ng makapunta pa siya sa lalaking isinugod sa ospital at ng makumusta man lang niya ito.
Siguradong magagalit si Enrique sa kanya kapag nalaman nitong may pakialam siya sa lalaki at hindi lang iyon dapat hindi ito makatunog na may alam na siya sa kasinungalingan nito.
Natitiyak niya na may binabalak itong masama at iyon ang hindi niya mahihintulutan. Mukhang nais talaga nito na maikasal sa kanya pero ayaw niya sa idea na magiging asawa ito. At kung ikinasal na talaga siya sa lalaki na iyon ibig sabihin hindi na ito maaari pa na pumasok sa kanyang buhay.
Kailangan din niya mag-imbestiga para matuklasan kung ano talaga ang pinaplano ng lalaki. Mukhang may mas malalim
