Nanginginig ang mga kalamnan ni Dean habang hinihintay na matapos ang operasyon ni Joanna. Walong oras na rin yata itong nasa operating room at sinusubukang alisin ang bala na nasa dibdib nito, at malapit sa puso.
Para nang mababaliw si Dean sa kakaisip at pag-aalala sa asawa. Hindi na niya alam kung ilang stick na ng sigarilyo ang naubos niya kanina, sa tuwing lumalabas siya para sumagap ng sariwang hangin. Feeling niya ay parang sasabog na ang kaniyang dibdib. Gusto niyang sumigaw at umiyak. Pero parang wala ng kakayahan ang lalamunan niya na maglabas ng boses. Halos mabutas na iyon sa sobrang sakit, sa kakapigil na umiyak.
Ang buong akala ni Dean ay mananatiling panaginip na lang ang pagpunta niya noon sa parehong ospital. Pero hindi lang pala bangungot dahil asawa naman niya ngayon a
