Pagkatapos nang isang oras na inilagi nila sa Yarra River Cruises para sa sight seeing, at dinner na rin, ay tumuloy na sa mall ang mag-asawa para manood ng sine.
Sinulit nila ang bawat sandaling magkasama sila. Masaya si Joanna na kahit sandali lang silang nagsamang mag-asawa ay parang katumbas na iyon ng ilang araw.
Mabuti na lang at napatapos na nila ang palabas bago pa man tumawag si Yaya Juzelle. Kanina pa raw nag-iiyak si Cassidy dahil hinahanap si Joanna. Nagtatanong na rin daw ang bata kung bakit wala pa ang Tatay Dean.
"I told you," natatawang saad ni Dean. "Talagang makakaramdam si bunso na wala ka sa paligid. Puwet at amoy mo lang ang inaabangan n'on, eh."
"Ikaw din naman, ah," malawak ang ngiti sa bibig ni Joanna. "Kapag nga nasa work ka, panay ang tanong kung anong oras k
