Kumunot ang noo ni Joanna habang pababa ng hagdan, nang marinig ang malakas na tili ni Cassidy. Maya maya'y nakita niya itong kalong-kalong ng ama sa sala. At nakita rin niyang tumatalon sa tuwa ang panganay na anak.
"Promise po 'yan, Daddy, ha?" narinig ni Joanna na malambing na tanong ni Cassidy sa ama.
"Excited na ako, Tatay Dean. Sa wakas, makakarating na rin po kami ng Disneyland." kumunot lalo ang noo ni Joanna dahil sa sinabi ni Ton-ton.
Hindi pa man siya tuluyang nakababa ng hagdan ay sinalubong na siya ni Dean, na nakangiti. Napatili si Joanna nang wala itong pasabi na binuhat siya at dinala sa sala. Tawa naman nang tawa ang kanilang mga anak.
"Ikaw talaga, heart!" Kunwari niya itong tinampal sa dibdib. "Hindi naman na ako buntis para buhat-buhatin mo pa."
Kinintalan siya
