"GRABE muntik na tayo ro'n, ah. Buti na lang dumating 'yong may-ari ng aso." Si Rick, ibinagsak nila ni Bearlan ang katawan sa sofa. Nasa rest house na sila ng resort. At para silang galing sa gyera. Muntik na kasi talaga sila kanina sa malaking aso. Nakatakbo naman sila pero mabilis talagang tumakbo 'yong aso. Nakagat nga si Rick pero buti na lang at 'yong laylayan lang ng T-shirt nito ang nakagat ng aso at hindi ang pwetan nito.
Laking pasalamat talaga nila at dumating 'yong may-ari ng aso, kundi paktay silang tatlo
"Sorry. Sorry talaga sa kasalanan ko." Hiyang-hiya si Tiffany na hingi ulit niya ng despensa sa dalawang binata.
Unlimited na naman ang kaniyang sorry. Palibhasa ay guilty talaga siya. Kung sana ay hindi kasi siya nagmagaling. Akala niya kasi iyon na 'yong resort nina Bear
