KABANATA 79:
PAG-ABOT ni Logan sa akin ng paper bag ay hindi na ko nakatiis na irequest din na ihinto muna ang sasakyan sa gilid. Mahirap kumain sa loob ng umaandar kami. Mainit kasi ang sabaw. Nagtataka man at natatawa ay sinunod pa rin ako ni Logan.
“What is happening to you? I haven’t seen you craving so much for that food.” Umiling-iling ito habang ginigilid ang BMW niya sa kalsada. Nagsasalita ito habang inisa-isa ko na ang paglabas ng pagkain at nilagay sa ibabaw ng compartment ang siopao, siomai, at dumplings. Sabi ko wonton soup lang. Pero ng makita ko ang menu ay napadami na.
“You are really hungry.” Natawa na si Logan habang tinutulungan ako na ayusin ang mga pagkain.
Nanatili akong tahimik at hindi siya pinapansin.
