KABANATA 52:
NAGISING ako sa sunod-sunod na tawag mula sa cellphone. Nakita kong alas-kwatro pa lang ng madaling araw. Inaantok pa ako ng sinagot iyon. Hindi ko na nga nakita kung sino. Tatlo lang naman may alam ng numero ko. Si Dana, si Mama at si Papa. Sila lang tatlo ang pwedeng tumawag sa akin pero sino naman ang tatawag ng ganito kaaga?
“He—”
Hindi ko na natapos ang sasabihin dahil inunahan na ko sa kabilang linya.
“Rica! Tumawag si Logan dito sa mansion ng mga Tan! Ako hinahanap para lang itanong kung nasaan ka! Nakabalik na pala siya galing China!”
Napamulagat ako sa sinabi ng kaibigan. Nabigla ako sa pagbangon at tila nahilo ako sa ginawa. Hindi tuloy ako nakasagot agad.
“Hello? Hello?!” bakas ang pagpa-panic sa boses ni Dana.
