KABANATA 89:
DAHIL sa nangyari ay napilitan akong umabsent. Si Logan na ang nakipagusap kay Maam Edelyn. Hindi ko na inisip ang trabaho. Okupado ang utak ko sa nangyari kanina at sa isiping galit sila Mama at Papa sa akin ay halos mawalan ako ng gana kumain at matulog kagabi. Nakonsensya ako at kahit papaano sinisisi ang sarili. Hindi ko alam pero kahit na siguro anong mangyari sa huli babalik pa din ako sa piling ni Logan.
Masusuway ko pa rin sila Mama. Ang kaso hindi ko naman ginusto na magkalaman agad ang aking tiyan. Marami namang hindi nabubuntis agad. Ganunpaman, kasalanan ko pa rin ito.
Hinatid namin si Amber sa school bago tuluyang lumuwas pa-Cavite.
Sa biyahe pa lang ay hindi na ko mapakali. Ramdam din ni Logan ang pagiging tensyonado ko kaya nama
