Ayumi
HINDI ko maipaliwanag kung ano ang bagay na aking nararamdaman. Nais kong umiyak. Nais kong isigaw sa buong mundo kung gaano ako kasaya dahil sa bagay na aking nalaman, ngunit alam kong dapat muna akong kumalma.
Mariin kong tinakpan ang aking bibig habang nakatingin sa bagay na hawak ko. Pilit kong pinipigilan ang aking luha dahil nais kong ireserba ito kapag sinabi ko na kay Jake ang balita.
Kasalukuyan akong nasa loob ng cr habang nagpipigil ng luha. Nagdesisyon na rin akong tumayo at lumabas, bumungad agad sa aking harapan si Cheska na may nag-aalalang mukha.
"A-Anong result?" tanong niya na tila mas excited pa sa akin.
Hindi ko alam na ang pinigil-pigil kong luha kanina at bigla na lang babagsak nang makita ko ang mukha ni Cheska.
"P-Positive," basag ang tinig kong tugon ko
