Ayumi
KINABUKASAN, maaga ang call time dahil kailangan naming kumain muna ng breakfast, saka kami tutungo sa kanikaniyang sasakyan at sisimulan ang school trip.
Nilagay ko sa aking bibig ang ham na kinuha ko sa buffet table kanina, saka sumubo ng isang kanin. Kasalukuyan kong kasama si Cheska sa hapagkainan.
Out of curiosity, nilibot ko ang aking paningin sa paligid at tiningnan ang mga tao. Ang iba ay masayang nagkukwentuhan at ang iba naman ay tahimik na kumakain. Ngunit isang table ang kumuha sa aking pansin at nagpatigil sa akin – ang table nina Jake at Anna. Magkasama sila ngayong kumakain sa iisang lamesa.
Tahimik na humihigop ng soup si Anna at si Jake naman ay naglalaro sa kanyang cell phone dahil tapos na siyang kumain.
Kung titingnan, napakaganda ng combination nila. Maging
