"HUWAG muna ngayon, pinsan. Hayaan muna natin siyang magsaya sa kasalukuyan," wika ni Joseph sa pinsang kulang na lamang ay matunaw ang dalawang nilalang sa paraan ng pagtitig.
"Ilang buwan na ang nakalipas simula noong ipinahiya at pinahirapan tayo ng hay*p na iyon. Akala ko ba ay gusto mong makaganto sa kaniya? Bakit ngayon ay nais mong manahimik muna tayo?" tanong nito sa kaniya.
Sa tinuran ng pinsan niya ay lihim siyang nakaramdan ng inis. Matalino naman itong tao ngunit simula noong dumating sa buhay nila ang tunay daw na tagapagmana ay naging mapurol na. Ngunit dahil kailangan nila ang isa't isa ay hindi niya magawa-gawang sitahin ito.
"Pinsan, wala ng ibang nakakaunawa sa iyo kundi ako. Kapwa tayo nakaranas ng brutality sa palad ng gag*ng iyon. Sa pag-aakala mo na ay madaling kal
