HINDI napaghandaan ni Aya ang pagdating nina Ava at ng soon to father in law niya, s***h, brother in law. Ang awkward. Nataranta sila ni Adam sa pag-aayos ng kuwarto para sa mag-asawa. Mabuti hindi pa naman uuwi si Azi kaya ang kuwarto nito ang inihanda nila. Nagtulungan silang dalawa na maglinis. Lunes noon at ginising si Aya ng tawag ni Ava at sinabing on the way na raw ang mga ito.
“Babe, bakit ba tarantang-taranta ka?” tanong ni Adam, na nahahawa na sa kanya.
Nagkakabit sila ng bagong bed sheet sa kama ni Azi. Mabuti medyo malaki ang kama nito. Dati kasi ay iisang kuwarto lang sila ni Ava.
“Eh kakahiya naman sa daddy mo. Ang gulo ng bahay at problema wala pang air-con itong kuwarto ni Azi,” aniya.
“And so what? Dad was a cowboy. Hindi naman maarte ‘yon. Mas maarte pa ako sa kanya,
