NAUBOS ni Henry ang isang dosenang bala pero hindi pa nagpapakita si Aya. Hindi siya nakatulog dahil sa sakit. Hindi niya matanggap na magpapakasal si Aya kay Adam. Like, that fast? Parang kailan lang nagkakilala ang mga ito. Hindi siya naniniwala hanggat hindi mismo si Aya ang sasampal sa kanya ng katotohanan.
“H-Henry…”
Hindi niya natuloy ang pagkalabit sa gatilyo nang marinig niya ang mahinang boses ni Aya. Mahina kasi may suot siyang headset. Inalis niya ito sa kanyang ulo. Pagpihit niya sa kanyang likuran ay nakatayo roon si Aya, may isang dipa ang pagitan sa kanya. Inilapg niya sa lamesa ang kalibre kuwarenta y singko.
Hindi pa man sila nag-uusap ay hilam na sa luha ang mga mata ng dalaga. Nagsisimula na ring manikip ang dibdib niya. Bumuntong-hininga siya.
“Salamat hinarap mo a
