“I’m sorry Jm, pero kailangan kong umuwi muna ng mansion Ortega, dahil tumawag si Kuya at kailangan nila ako roon.”
“Kailangan ka nila? At bakit hindi ba’t kailangan ka rin ng mga bata?”
“Hindi kami magtatagal at babalik rin agad.”
“Isasama mo ang mga anak natin?”
“Oo, para naman makita rin sila ni lolo, kung gusto mo ay sumama ka.”
“Huwag na dahil baka magkasakitan lang kami ng kuya mo.”
Hindi na lang umimik si Gianne, dahil pag nagpatuloy pa sila sa pag-uusap ay siguradong mapupunta lang sa pagtatalo. Ayaw rin naman niyang aalis silang mag-iina na masama ang loob nito. Dangan lang at talagang hindi na yata nito matatanggap ang kapatid niya. Hindi rin naman niya masisisi ang asawa dahil malaki ang kasalanan ng kaniyang kuya dito.
“Hanggang kailan ba kayo doon?”
“Baka isang linggo
