“BERRY, GAMITIN MO itong Gucci watch ko. Bagay ito sa damit mo.”
“Sigurado ka, Ate Yumi? Mukhang mamahalin iyan baka magasgasan ko.”
“Huwag mo ng isipin iyon.” Si Ate Yumi na ang nagsuot ng relo sa kaliwang braso ni Berry. “There. Perfect. Hindi lang sa damit mo bagay, pati sa iyo.”
“Heto naman ang contribution ko sa outfit mo ngayon, Berry. My Louis Vuitton clutch bag.” Isang maliit na bag ang iniabot ni Ate Vera kay Berry.
“Salamat, Ate Vera. Hayaan mo, iingatan ko din ito na hindi magasgasan.” Tumawa lang ang nakatatandang kapatid.
“Ipapahiram ko sana sa iyo ang boots ko kaya lang mahal na mahal ko iyon kaya ipinili na lang kita ng shoes sa collection ni Ate Yumi.” Ibinaba ni Ailene ang isang pares ng sapatos sa harapan ni Berry. “Here, kaya mo na siguro ang ganito kataas na heel
