TAAS ang noong pumasok si Tricia sa loob ng opisina ni Andriano. Hindi man lang siya nag-abalang kumatok o ni sulyapan ang sekretarya nitong binati siya.
Nang marating ang desk table ng nakatulalang si Andriano, saka lang niya binalingan si Carol.
"Get out. I'll have a private talk with your boss."
May pag-aalinlangang tumango si Carol bago ito nagmamadaling lumabas ng office.
"Cupcake." Awtomatiko namang sumilay ang malaking ngiti sa mga labi ni Andriano nang muling magsalubong ang mga mata nila. Agad itong tumayo at nilapitan siya. "Umupo ka muna. Ano'ng gusto mo? May gusto ka bang inumin o kainin?"
Nakaarko ang kilay nang maupo siya sa silyang katapat ng desk nito. "Actually, there is. Pabalikin mo ang secretary mo."
Agad na tumango si Andriano at mabilis na sinunod ang inuutos ni
