NATULALA si Patti at pinanood lamang ang lalaki habang binubuksan nito ang gate ng bakuran nila saka patakbong nilapitan siya.
"Patti!" Malakas itong sumigaw sabay yakap sa kaniya nang mahigpit.
"W-what are you doing!" Bigla niya itong pinalayo sa kaniya at malakas na sinampal. "Manyak!"
Gulat naman na hinawakan ng lalaki ang pisngi nitong namumula dahil sa kaniyang pagsampal.
"A-aray, ha? Ang sakit no'n!"
Mabilis siyang humakbang paatras mula rito. "Bakit kasi bigla-bigla ka na lang nangyayakap!"
"Hindi mo ba ako naaalala? Ako ito! Si Aldrin!"
Pinagmasdan niya ito mula ulo hanggang paa. Napahinto siya roon sa maliit na nunal nito sa gilid ng itaas na labi sa may kanan.
"A-Aldrin Alejo?"
"Mismo!" Malapad itong ngumiti. "Your one and only first love!"
Muli na naman sana siya niton
