MATAGAL niyang tinitigan ang mukha ni Sergio nang marinig ang tanong ng lalaki. Nakokonsensiya siya rito. Pakiramdam niya ay nagtataksil siya kahit na parte naman talaga ng plano niya ang lahat.
Pilit siyang ngumiti bago kinuha ang kamay nito at marahang hinaplos. "Ano ba iyang pinagsasabi mo? At saka, bakit ka magseselos? Ex ko na lang si Andriano."
Sumeryoso ang mga mata ng lalaki. "Whether we like it or not, you're still his wife."
"But I belong to you." Nginitian niya ito nang banayad.
May ilang segundo silang nagkatitigan bago nito nilapit ang mukha sa kaniya. Hinalikan siya ni Sergio sa mga labi. Wala naman siyang nagawa kundi ipikit ang mga mata.
Noong una ay banayad lang ang paghalik nito, pero kalaunan ay naging marahas iyon. Naging mapaghanap. Naging maalab. Gumanti siya ng
