NAPATAYO si Patti nang makita ang matandang lalaki habang marahan itong naglalakad palapit sa kinaroroonan nila. May hawak itong isang tungkod sa kamay at may kasamang magandang dalaga na naglalakad sa tabi nito.
Umaga na noong mga sandaling iyon. Kung hindi siya nagkakamali, alas-siete y medya na.
"Kumusta ka, hija?" Bumaba ang paningin ni Mr. san Pedro sa kabuuan niya at agad na nabakasan ng awa ang mukha.
Makikita ang pagsilay ng maliit na ngiti sa kaniyang mukha. "Ayos lang ho ako."
"Si Andriano?"
Muling lumamlam ang mga mata niya nang marinig ang pangalan ng asawa. Mula sa kaniya ay nabaling ang paningin nito sa pinto ng pribadong silid ng lalaki.
"Paano ba ito nangyari? Hindi ba't unang anibersaryo ninyo kahapon?"
Marahang pagtango lamang ang naitugon niya rito. Nagpakawala ng
