BIGLANG napatayo si Andriano kasabay nang pamimilog ng mga mata nito. Dinamba ng matinding kaba ang dibdib niya nang sandaling marinig ang pangalang binanggit ng babae.
"Ano'ng ginawa mo?" Biglang nanlamig ang buong katawan niya.
Nginisian naman siya ni Hilda, pinagkrus nito ang mga braso sa tapat ng dibdib. "Sa ngayon, makikipagkita si Tricia sa isang tao, nasa restaurant siya. May magsi-serve sa kanila ng inumin at sisiguraduhin kong magugustuhan niya ang wine na pinahanda ko."
Nanginig ang mga kamao niya habang unti-unti itong kumukuyom. Mabilis na nagbalik sa kaniya ang isang alaala noong bata pa siya. Kung paano sinabi ni Hilda na maghanda siya dahil isang masamang balita ang matatanggap niya.
Sa mga sumunod na oras, bigla nilang natanggap ang balita na naaksidente ang kaniyang mo
