TUMIGIL sa malawak na receiving area si Andriano nang makita ang malaking painting na nakabalot pa ng brown wrapping paper, kararating lamang niyon.
Tumigil sa pag-aasikaso nito ang dalagang si Maggie at nagmamadaling lumapit sa kaniya. Mabilis naman tumalim ang mga mata niya nang makita kung paano sumilay ang malaking ngiti sa mga labi ng babae.
"Mahal! Dumating na ang painting natin! Gusto mo bang makita?" Agad nitong pinulupot ang mga kamay sa braso niya, ngunit malamig niya itong binawi.
Banayad siyang ngumiti sa dalaga. "Magpakasaya ka na. Pagkatapos ng kasal natin bukas, magiging impiyerno ang buhay mo."
Umarko naman ang mga kilay ni Maggie matapos niya itong talikuran. Pinagsalikop nito ang mga braso sa tapat ng dibdib at natatawang umiling.
"Impiyerno, impiyerno pang nalalaman
