May atraso pa sa kaniya si Lena. Oras na naayos niya ang away nilang mag-asawa, babalikan niya ang dalaga.
Matapos makapagluto, nagsuot siya ng simpleng lace lavender dress bago sumakay ng taxi at nagpahatid sa Villafuerte Corporation, ang kompanya na iniwan ng ama ni Andriano para dito.
Nang makapasok sa kompanya, diretso siyang nagtungo sa elevator at umakyat sa 20th floor. Ayon kay Ada ay iyon ang pangkat kung nasaan ang opisina ni Andriano.
Nang bumukas ang elevator, nakita niyang kalahati ng floor na iyon ay sa mga empleyado, habang may isang desk table malapit sa isang pinto na nasisiguro niyang office ng asawa.
"Hello. Ako si Patti, nandito ako para kay Andriano. Nasa loob ba siya?" magalang niyang untag sa babaeng abala sa ginagawa nito.
Sandaling nag-angat ng tingin ang dala
