Blythe
PILIT akong tinuruan ng dalawang babae kung paano sumayaw, dahil sasayaw daw ako mamayang gabi.
Pero imbes na sumunod sa gusto nila ay umiyak lang ako nang umiyak dahil takot na takot pa rin ako.
Parang nainis naman sa akin ang dalawang babae dahil sa ayaw kong sumunod para gayahin silang sumayaw. Hanggang sa napuno ang isang babae sa akin at malakas na nitong hinablot ang buhok ko na kinasigaw ko sa gulat at sakit.
“Sumunod ka sa itinuturo namin sa ’yo o sasapakin kita?!” galit na tanong nito sa akin habang marahas na hila pababa ang buhok ko. “Sunod o sapak? Ano—mamili ka!”
Mas lalo akong umiyak imbes na sumagot. Kaya mas nainis ito sa akin at patapon na binitiwan ang buhok ko, pero pag-angat ko muli ng tingin dito ay sinalubong na ako ng dalawang magkasunod na sampal sa pisn
