KABANATA 33:
AJAX TALLIX POINT OF VIEW:
HINDI KO ALAM KUNG ILANG ARAW NA AKO rito. Basta ang alam ko lang, pakiramdam ko ay nasusunog ang balat ko nang dahil sa init ng baging na nakapulupot sa akin. Naririnig ko rin ang palahaw ng mga taong naroon, sobrang dami. Maging ang katabi kong matandang lalaki.
Nakausap ko siya noong hindi pa ganoon kabigat ang nararamdaman ko. Ang sabi niya, hinanap niya ang anak niya rito. Hindi niya inakalang mabibihag siya ng engkanto.
Ang mga engkanto ay orihinal na taga-pangalaga ng gubat. Hindi sila nananakit, at noon ay naging kaibigan pa nila ang mga tao. Pero dahil sa sobrang kagarapalan ng tao pagdating sa kalikasan, unti-unting lumayo ang loob ng mga engkanto sa tao. Siguro ang mga nandito ay 'yong mga taong nagkasaka sa engkanto. Hindi naman sila
