SUMILIP din sa bintana sa may sala si Cassandra dahil sa busina ng sasakyan. Nang bumalik si Lena ay iiling-iling ito.
“Wala naman pong ibang kotse sa labas. Baka sa kapitbahay lang po ‘yon,” ani Lena.
“Hayaan mo na. Kain na tayo,” aniya.
“Mauna na ho kayo. May gagawin lang ako sa kusina.” Nilagpasan lang sila ni Lena.
Niyaya na niya si Tobi na samahan siya sa hapunan. Sumunod naman ito sa kaniya.
Hindi pa rin siya maka-get over sa biglang pagbisita nito at may dala pang bulaklak. Iyon ang unang beses na binigyan siya nito ng bulaklak. Dati ay puro prutas lang ang dala nito. Wala man itong sinabing kahulugan ng bulaklak, may ideya na siya kung para sa ‘yon since umamin na ito na gusto siya nito.
Wala naman itong ibang sinabi kundi kinumusta ang kalusugan niya. Natuwa ito nang makita
