"Criminal Harassment?!" Hiyaw ni Nikka nang pumasok ito sa loob ng office of the mayor at ihagis sa mesa niya ang puting sobre.
Nag angat siya ng ulo at tinignan ang galit na galit na mukha ni Nikka. Ito na ang matagal na niyang hinihintay ang matanggap na ni Nikka ang kasong sinampa rito ni Zandro. Kumpleto sa ebidensya, pati ang lalaking binayaran nito na sumunod sa kanya at kuhanan siya ng mga larawan, hanggang sa Paris sumunod pa ang lalake, para lang takutin siya. Nakuhanan din ng statement ang dating girlfriend ng ex boyfriend nito na dumanas din ng pananakot kay Nikka. Walang sapat na kapangyarihan ang babae kaya hindi nasampaan ng kaso si Nikka. Ayon sa babae tinakot daw ito ni Nikka kaya nagawa nitong hiwalayan ang boyfriend noon. Iyon nga lang hindi rin naman pala binalikan ng l
