"Tama ako hindi ba?" Nakangising tanong sa kanya ni Nikka.
Hindi siya kumibo. Nanatili lang siyang nakatingin sa babae. Hindi niya alam kung saan nito nakuha ang impormasyon nito, tungkol sa kanya.
"Alam ko ang lahat ng tungkol sa iyo, Ziyah Alcaraz!" Patuloy pa rin nito.
"Ziyah De Guzman!" Mariing pagtatama niya sa babaing masyadong pakialamera.
Ngumisi lang ito lalo sa kanya at ngumiti. Ngiting nakakainis. Na tila ba nakakaloko.
"Saan mo naman nalaman iyang sinasabi mo?" Taas kilay na tanong niya.
"Lahat ng nalalaman ko galing kay Wilson Santiago. Sinabi niya sa akin ang naging deal nila ng Daddy mo. Kaya marahil bumaligtad ka sa Daddy mo, dahil ipinambabayad ka niya kay Wilson."
"Kung ano man ang sinabi sa iyo ni Wilson, wala akong pakialam. Bahala kayo kung ano ang iisipin niyo
