"Kumusta ka na Ziyah? Long time no see," sabi pa sa kanya ni Wilson.
Nanatili naman siyang nakatingin kay Nikka na may ngiting demonyo sa labi.
"Anong laro mo?" Matalim na tanong niya kay Nikka. Sinadya ng higad na imbitahan ang asawa niya, dahil alam nitong sasama siya. Kaya pinapunta nito si Wilson kung nasaan sila, para makapangulo sa kanila ni Zandro. Hindi ito ang tamang panahon para makisabay sa eksena si Wilson. Marami pa silang dapat ayusin ni Zandro.
"Alam mo kung ano ang larong ito. At alam mo ring gusto kong manalo," mabalasik na mukhang sagot sa kanya ni Nikka.
"Hindi ka mananalo!" Matalim na sagot niya.
"Tignan natin," nakangising sagot sa kanya ni Nikka.
Sinulyapan niya ang asawa sa di kalayuan nakatalikod ito sa kanila, kaya hind pa nito nakikita ang pagdating ni Wi
