FIFTEEN: "Please stop!"
“ADRIANA, ako na magluluto ng ulam natin ngayong hapunan.” ani Lindsay nang makarating sa terrace ng kanilang apartment pagkauwi galing sa trabaho.
Hindi niya nakasalubong si Baste pagkababa ng taxi at nang tingnan ang bahay nito'y tahimik pa at tila walang tao, nakasarado. Marahil ay hindi pa nakakauwi galing sa trabaho sa pagpapanday sa isang bagong construction site na pinag-extrahan nito.
Pagkapasok sa sala, laking gulat niya nang imbes na ang kaibigan ang tumambad sa kanya ay ang taong pinakahindi niya inaasahan ang bubungad sa kanya. Si Henry. Ang manliligaw niyang 'ni minsan ay hindi naman niya pinahintulutang ligawan siya.
“Lindsay... “ nakangiting tawag at salubong nito sa kanya.
Nakaramdam siya ng inis dito na hindi niya maintindihan, bast
