ANG MGA ALAALA
JACK POV.
WALA man akong maalala, ngunit naririto ako ngayon sa ospital… at malinaw kong nararamdaman ang koneksyon namin ng babaeng nakahiga sa kama, ang babaeng sinasabi nilang aking ina. Kahit ilang beses nang nag-vibrate ang cellphone ko dahil sa mga mensahe ng tiyuhin ko, ayaw ko munang tingnan. Paulit-ulit niyang sinasabi na kasinungalingan ang lahat ng sinabi sa akin ni Chairman Ruins. Na kaya lang daw nais kunin ang loob ko ng Chairman ay dahil si Senyor Josen ang tunay na tumugis sa amin ng Lola ko.
Ngunit ayaw ko muna makinig. Ayaw ko marinig ang alinman sa mga salita niya. Kaya ko sinara ang cellphone ko. Gusto kong mag-focus sa isang katotohanan na nasa harapan ko, ang babaeng ito… siya ba talaga ang pinagmulan ko?
Gusto kong marinig mula mismo sa kanya ang s
