ANG PAGKIKITANG MULI
JANINE ROICE POV.
KANINA pa nagvi-vibrate ang cellphone ko, pero hindi ko pa rin magawang sagutin. Kahit si Daddy pa ang nasa linya… nakakahiya kay Jack. At sa sobrang tahimik ng VIP room na kinaroroonan namin, tila bawat ingay ay magiging malaking istorbo. Dito niya ako dinala para mag-lunch.
Grabe—ibang-iba na talaga siya. Parang modelo. Mas tumangkad, mas gumwapo, at mas lalo pang pumuti.
“Bakit ganyan ang titig mo sa akin?” tanong ko, pilit na iniiwas ang mga mata ko sa mapanuring tingin niya.
“Wala naman,” sagot niya, bahagyang napapangiti. “Na-miss lang kita. Ang tagal nating hindi nagkita. Akala ko nga… hindi mo ako pagbibigyan.”
Malamlam ang kanyang mga mata, puno ng kung anong damdaming hindi ko mabasa. Pero ako… bakit wala akong maramdaman? O bakit para
