NAPADAPA SI KRISTEN sa higaan nang malamang umuwi na ang dating asawa. Hanggang ngayon, hindi siya makapaniwala sa kinuwento ni Nora sa kaniya, na nagkita sila kanina ng asawa. Ang tanong niya sa sarili, bakit hindi niya matandaan? Imposibleng makalimutan niya si Dave ng ganoon kabilis. Pinakita pa niya ang litrato ni Dave para kompirmahin kay Nora, at talagang ang dating asawa nga. Saka nakita na nito ang dating asawa dahil lagi siyang hinahatid at sinusundo noon.
Ang buong akala ni Nora nagkukunwari lang siya kanina para makaiwas kay Dave. Pero sadyang hindi niya matandaan ang nangyari kanina. Hindi tuloy niya alam kung ano nga ba ang naramdaman niya ng mga sandaling iyon. Ang nakakapagtaka, masakit ang dibdib niya kanina habang kumakain. Panay tuloy ang tingin sa kanya ng katulong ng m
