"YAN ANG MAHIRAP sa 'yo, Ezekiel! Nambibintang ka!" Binato pa ni Axel si Ezekiel ng buto ng manok ang kaibigan.
"Totoo naman, ah!" sagot ni Ezekiel.
Naiiling na nilapitan ni Dave ang mga kaibigan. Si Caleb, Sebastian at Blake naman ay may pinag-uusapan, seryoso ang mga ito. 'Di siguro maka-relate ang dalawa dahil iba naman ang klase ng negosyo at trabaho ng mga ito.
"Isang taon na ang nakalipas 'di pa rin kayo maka-get-over?" aniya kay Axel at Ezekiel.
"Eh, paano, ako raw umubos no'ng fried chicken at lumpiang shanghai! Tatlo nga lang nauwi ko na pakpak at dalawang pirasong shanghai," depensa ni Axel.
"Sino ba sa 'tin ang may paborito ng chicken? Ako ba? 'Di ba ikaw?" Si Ezekiel 'yon na natatawa.
"Tama na nga 'yan. Para sa kaalaman niyo, pinadala ko sa bahay namin ang ibang ulam nan
