Two years later…
NAPATINGIN SI DAVE magarang wall clock niya sa loob ng opisina. Oras na yata para umorder ng pagkain. Kinuha niya ang menu na hiniram niya mula sa restaurant niya. Dapat masarap ang ipadala niyang pagkain nito.
Dalawang taon na siyang nagpapadala ng pagkain sa dating asawa. Ang tiyaga niya din talaga.
Hindi naman siya sumuko matapos siyang talikuran ng dating asawa. Ilang buwan lang siyang nagpahinga noon para bigyan ito ng space, saka muling niligawan si Kristen. Kahit ilang suka pa ng dating asawa sa kan’ya ay hindi niya ito sinukuan. Kahit madalas na deni-deny nito sa ibang tao na na mag-asawa sila, hindi siya sumuko.
Hindi siya naniniwala noon na ikakasal ito sa dating fiancé nito. May ibang rason si Kristen. Pakiramdam niya, may tinatago sa kan’ya ang dating asa
