KABANATA 22:
NAABUTAN ako ni Manang Bekay sa kusina na ngumingiti mag-isa. Agad ko tuloy na itinikom ang bibig. Hindi ko na din namalayan na nakangiti na pala ako habang naghuhugas ng pinggan.
"Mukhang may magandang nangyari, ah?" sabi nito pero pinili kong itikom ang bibig. Nahimigan ko sa tono niya ang panga-asar. Ramdam ko naman na iniisip niya na may iba dahil galing ako sa kwarto ni Daniel pero syempre hindi ko ibibigay ang satisfaction na inaasam nito.
Hindi tumigil si Manang Bekay kahit na lumayo na sa akin. Narinig ko ang pagbukas nito sa ref.
"Kumain ang alaga natin, Winona. Mukhang ikaw lang ang inaantay," pasaring niya. Wala namang galit o pangit ang tono ng boses niya pero hindi lang talaga ako sanay ng tinutukso. Hindi ko din naman pinapatulan.
"Mabuti nga po naubos," pak
