Kabanata XXI: Intruder
|Maria|
MAY napapansin ako. Hindi man sabihin ng iba sa akin, pero alam kung may nangyayaring kakaiba.
Nagpakawala ako ng malalim na hininga at nilapag ang hawak-hawak kong tasa sa ibabaw ng lamesa. Isinandal ko ang aking likuran sa sofang kinauupuan ko. Napatitig ako sa langit. Maaliwalas ang panahon ngayon at mukhang maliit ang tsansa na umulan.
Kasalukuyan ako ngayong nasa likuran ng mansion ng mga Tudor. Nakaupo sa isang sala set na nasa ilalim ng puno. Naipikit ko ang aking mga mata at dinama ang paligid. Dinig na dinig ko ang hampas ng dagat sa bangin.
Nakatirik ang mansion sa isang burol at hindi kalayuan sa bangin. Mula sa harapan ay kitang-kita mo ang buong bayan ng Tudor. Habang dito sa likuran ay tanaw na tanaw mo ang lawak ng dagat.
Napahugot-hining
