KABANATA 24:
RIX POINT OF VIEW:
PAGKAMULAT NG MATA KO, kaagad kong hinanap si Denzel sa tabi ko. At nang makita kong wala siya, nagmadali akong bumangon at saka lumabas ng kwarto. Bumungad sa akin ang amoy ng sinangag at itlog na niluluto ni Denzel. Hindi kaagad ako lumapit sa kaniya. Napahinto ako habang tinititigan ang likod ni Denzel. Bigla akong nalungkot, paano kung hindi ko na makita si Denzel sa susunod na mga araw? Natatakot akong baka bigla na lang siyang hulihin ng mga pulis. . . Isipin ko pa lang na mawawala na siya sa akin, halos mapaiyak na ako.
Natauhan lang ako nang humarap sa akin si Denzel at saka binungaran ako ng isang magandang ngiti. Isang ngiti na para bang walang problemang iniinda. Kaya imbes na isipin ko pa ang problema naming dalawa, bumuntong-hininga na lamang
