KABANATA 5:
ALAS DOS PA LANG NG HAPON, nagising na kaagad ako. Madalas na alas-singko kasi ako nagigising. Siguro maaga akong nagising dahil diretso ang tulog ko at wala akong naging panaginip.
Pagkabangon, naghalungkat kaagad ako sa cupboard ng pwedeng makain pero wala na nga pala, naubos na kahit noodles manlang.
Naghilamos lang ako at kaagad nang lumabas ng bahay para bumili ng makakain, mukhang kailangan ko na talagang kumain ng masustansya dahil pakiramdam ko e, nanghihina na ang katawan ko. Saktong pagkababa ko ng hagdan, naabutan ko roon si Denzel na papaakyat naman. Nangunot ang noo ko dahil sa pagtataka, may bitbit siyang paperbag, suot ang kulay puting t-shirt at maong na pantalon. Medyo basa pa ang buhok niya, mukhang bagong ligo. Hindi ko sana siya papansinin kasi baka magd
